FOAKI TOHINGAUE ‘AMAPASITOA TONGA KI CUBA

Na’e foaki atu ‘ehe ‘Amapasitoa ‘o Tonga ki Cuba, H.E. Fekita ‘Utoikamanu, ‘ene tohi fakamo’oni ngaue kihe Tokoni Palesiteni ‘oe Kosilio ‘oe Pule’anga Cuba, H.E. Mr. Juan Almeida Bosque, he Tusite 26 Sune 2007 ‘i Havana. Na’e fakafe’ao atu ‘ae Amapasitoa kihe Palasi ‘oe
Liukava ‘ehe kau ka’ate fakalangilangi, ‘o fakahoko ai ‘ae ngaahi ouau fakafonua pea toki kamata ‘ae feme’a’aki moe Tokoni Palesiteni ‘o fekau’aki moe ngaahi kaveinga ngaue kihe Pasifiki mo Tonga ni foki. Koe fakahoko ko’eni ‘oe va faka tipilometika mo Cuba na’e kamata ia ‘iha ‘a’ahi ‘ae Tama Palemia ko Pilinisi ‘Ulukalala Lavaka Ata he taimi na’e kei ‘ihe lakanga koia. Na’e muimuifolau atu ai ‘ae ongo ‘ofisa meihe ‘Ofisi Fakafofonga ‘o Tonga kihe United Nations moe
‘Ofisi faka ‘Amapasitoa ki ‘Amelika, Hon. Sonatane Tu’a Taumoepeau Tupou he taimi na’a ne ‘Amapasitoa ai mo Viliami Malolo koe Sekelitali ‘Uluaki.

More Pictures of this event here